Марбелье шаҳридаги 2000 томошабинга мўлжаланган стадионда бўлиб ўтган ўйинда “темирйўлчилар” 2:0 ҳисобида зафар қучишди. “Локомотив”нинг франциялик ҳужумчиси Александр Кор дублга эришди.
25 ёшли футболчи 14 ва 32-дақиқаларда рақиб дарвозасини ишғол қилди. “Локомотив” сафида ҳамюртимиз Виталий Денисов бошланғич таркибда майдонга тушди ва барча жамоадошлари қатори бир бўлим ҳаракат қилди.
Маълумот учун, “Локомотив” Россия Премьер-лигаси доирасидаги навбатдаги тур учрашувини 5 март куни Самарада “Крилья Советов” клубига қарши ўтказади.
