"Локомотив" тарбияланувчилари “Аntalya Cup”даги иштирокни бошлашди
02 ноя 2015 13:27
Янгиликлар

"Локомотив" тарбияланувчилари “Аntalya Cup”даги иштирокни бошлашди

Хабар бериб ўтганимиздек, "Локомотив" футбол мактабининг икки ёш тоифасидаги тарбияланувчилари ҳозирда Туркиянинг Анталия шаҳрида бўлиб туришибди.

У ерда ёш футболчилар ўртасида ҳар йили анъанавий тарзда ўтказиб келинаётган “Аntalya Cup” мусобақаси бўлиб ўтмоқда.

"Локомотив"нинг 2004 йилда туғилган футболчилари (бош мураббий - Отабек Мансуров) гуруҳдаги дастлабки турни “Буюкшеҳирспор” (Туркия) жамоасига қарши ўтказиб, 1:4 ҳисобида имкониятни бой берган бўлса, 2006 йилда туғилган тарбияланувчиларимиз (бош мураббий - Суннат Рўзиев) биринчи турда “Шимшекспор” (Туркия) билан беллашиб, 2:0 ҳисобида ғалаба қозонди.

Бугун эса иккинчи тур ўйинлари бўлиб ўтади. Эслатиб ўтамиз, делегация раҳбари сифатида "Локомотив" болалар ва ўсмирлар футбол мактаби директори Эркин Саидов ҳам Туркияга йўл олган.