"Локомотив" - "Қўқон-1912": Нивалдо ва Ўткир Юсупов баҳсли вазиятга изоҳ берди

Ушбу учрашувда дуранг қайд этилди -1:1. Баҳснинг  сўнгги дақиқасида Нивалдо ҳакам томонидан қизил карточка билан жазоланди ва майдондан четлатилди. Ўша вазиятда тушунарсиз ҳолат юз берди ва Нивалдо "Қўқон-1912" дарвозабони Ўткир Юсуповга боши билан зарба берди. Бу ҳолат юзасидан иккала футболчи ҳам  изоҳ беришди.

Ўткир Юсупов

"Локомотив"га ғалаба керак эди, деб ўйлайман. Шунинг учун ҳам "темирйўлчилар" жонини бериб ўйнашди. Дарвозамизни ишғол қила олмагани учун алам қилган бўлиши мумкин. Нима бўлганини билмайман. Нивалдо қизил карточка олганидан сўнг футбол қоидаларига тўғри келмайдиган ҳаракатни амалга оширди. Нивалдони ҳақорат қилганим йўқ", - дейди Ўткир Юсупов.


Нивалдо

"Ўйин охирида кўп кураш бўлди. Рақиб дарвозабони мени "маймун", "негр" деб ҳақорат қилди. Мен ўзимни тутиб тура олмай бошим билан унга зарба бердим. Ўзимни йўқотиб қўйдим, буни тан оламан. Тўғри бу футбол қоидаларига тўғри келмайдиган иш. Мухлислар ва "Локомотив"дан  узр сўрайман", - дейди Нивалдо

Жаҳонгир Сотволдиев ёзиб олди