“Локомотив” ОЧЛ ўйинлари учун аккредитация жараёнини бошлади

“Локомотив” иштирокидаги баҳсларни стадиондан туриб ёритишни истаган ОАВ ходимлари 2017 йилнинг 3-13 февраль саналари оралиғида аккредитация учун зарур бўлган ҳужжатларни клуб матбуот хизмати электрон почтаси ([email protected])га жўнатишлари керак бўлади. 

ОАВ вакиллари аккредитациядан ўтишлари учун таҳририятнинг расмий бланкида бош мухаррир томонидан имзо чекилган ва мухр билан тасдиқланган расмий хат юборишлари лозим бўлади. Расмий хатда ОАВнинг тўлиқ номи ва йўналиши, гувоҳнома рақами ҳамда алоқа учун таҳририят телефон ва факс рақами кўрсатилиши талаб этилади. Шунингдек, хатга илова тарзида 3х4 ўлчамдаги фотосурат ва аккредитациядан ўтаётган журналист паспортидан нусха (электрон шаклда) жўнатилиши лозим бўлади.  

Эслатма: “Локомотив” жамоаси иштирокидаги учрашувларга фақат ушбу клубда аккредитациядан ўтган ОАВ ҳодимлари кириш имконига эга бўлишади. 

Қўшимча маълумот учун телефон: 

+99871 286 24 12