"Локомотив" масъулиятли ўйинлар остонасида

Биласиз, "темирйўлчилар" Ўзбекистон миллий биринчилигида чемпионлик, Осиё чемпионлар лигасида эса гуруҳдан чиқиш учун кураш олиб боришмоқда. Шундай экан, яқин бир ой ичида жамоамиз жуда муҳим беллашувларда майдонга тушади.

Хусусан Вадим Абрамов шогирдлари аввалига "Ал Садд" билан куч синашишса, кейин "Бунёдкор" ва "Динамо"га қарши тўп тепишади. Ундан кейин ўз майдонимизда "Ал Ҳилол"ни қабул қиламиз. Сўнгра олий лига доирасида "Пахтакор" ва "Насаф"га қарши баҳс олиб борамиз. Шунингдек, бир ойдан сўнг сафарда "Фулад"га қарши тўп сурамиз.

Кўриб турганингиздек, бу ўйинларнинг ҳар бири "Локомотив" учун ниҳоятда муҳим. Биргина олий лиганинг ўзида "Бунёдкор", "Пахтакор", "Насаф" каби грандларга қарши майдонга тушамиз. ОЧЛдаги "Ал Садд" ва "Ал Ҳилол" билан ўйинлар эса мусобақани безаб берса ажаб эмас. Ҳозир қандай масъулиятли баҳслар бўсағасида турганимизни йигитларимиз ҳам чуқур ҳис қилиб туришибди. Шу ўринда жамоамизга ҳар бир ўйин омадли ўтишини тилаб қоламиз.

"Локомотив" яқин бир ой ичида ўтказадиган ўйинлар:

8 апрель. ОЧЛ
"Локомотив" - "Ал Садд"

13 апрель. Олий лига
"Локомотив" - "Бунёдкор"

16 апрель. Олий лига
"Динамо" - "Локомотив"

21 апрель. ОЧЛ
"Локомотив" - "Ал Ҳилол"

27 апрель. Олий лига
"Локомотив" - "Пахтакор"

1 май. Олий лига
"Насаф" - "Локомотив"

5 май. ОЧЛ
"Фулад" - "Локомотив"