"Локомотив" машғулотларга қайтди

Жамоамизнинг машғулоти кечки пайт ТТЙМИ стадионида ўтказилди. Машғулотдан олдин жамоа шифокори Аброр Пирриев ҳар бир футболчининг ҳаво ҳароратини ўлчаб, футболчилар гигиена ва тозалик қоидаларига риоя қилган ҳолда майдонга чиқишди. Бугунги машғулот кўтаринки кайфиятда ўтди. Жамоада ҳамма соғ-саломат ва бўлажак расмий баҳсларга жиддий тайёргарлик кўрмоқда. 

Эслатиб ўтамиз, "Локомотив" янги тақвимга кўра Суперлиганинг 4-тур учрашувини 15 июнь куни ўз майдонида "Металлург"га қарши ўтказади. Ўйин 19:00да бошланади ва карантин қоидаларига амал қилинган ҳолда томошабинларсиз бўлиб ўтади. Шу куни "Локомотив" - "Металлург" баҳсини тўғридан тўғри "Маҳалла" телеканали орқали кузатиб боришингиз мумкин.