"Локомотив" гуруҳига плей-оффдан "Ар Райан" чиқди. "Пахтакор" эса "D" гуруҳидан жой олди
19 фев 2019 23:07
Янгиликлар

"Локомотив" гуруҳига плей-оффдан "Ар Райан" чиқди. "Пахтакор" эса "D" гуруҳидан жой олди

ОЧЛ доирасида бу йилги мавсумнинг гуруҳ босқичида иштирок этадиган барча жамоалар номи маълум бўлди.

Бу йилги мавсумда юртимиз шарафини икки клуб: "Локомотив" ва "Пахтакор" жамоалари ҳимоя қилишади. "Темирйўлчилар" ўз иштирокини "B" гуруҳида, Арвеладзе бошчилигидаги "Пахтакор" клуби эса "D" гуруҳида бошлайди.

"Локомотив"нинг гуруҳдаги рақиблари: "Ал Иттиҳод" (Саудия Арабистони), "Ад Ваҳда (БАА)", "Ар Райан" (Қатар).
"Пахтакор"нинг гуруҳдаги рақиблари: "Персеполис" (Эрон), "Ал Садд" (Қатар), "Ал Аҳли" (Саудия Арабистони).

"Локомотив" гуруҳ босқичини 4 март куни ўз майдонида "Ал Ваҳда"га қарши баҳс билан бошлайди.

"Пахтакор" эса 5 март куни Теҳронда ОЧЛ-2018 финалчиси "Персеполис" клуби меҳмони бўлади.