"Лочин" устози Сардор Тўхтаев: "Йигитларимиз футбол ўйнашни исташса, Суперлиганинг исталган жамоасига қийинчилик туғдиришимиз мумкин"

– Ўйин ҳақида

– Бугун ғалабадан бошқа нарса бизни қониқтирмаслигини билардик. "Сурхон" ўз ўйин услубига эга яхши жамоа, Суперлигада ҳам ижобий ўйин кўрсатмоқда. Ким ғалаба қозонса, плей-оффга чиқарди. Учрашув курашларга бой бўлди. Кимда хоҳиш кучлироқ бўлса, ўша томон натижага эришади. Йигитларимиз характерли. Агар бизникилар ўзлари исташса, Суперлиганинг исталган жамоасига қаршилик кўрсата олади. 

Зафар Полвонов: 

– Ўйинга жуда яхши тайёргарлик кўргандик. Кейинги босқичга йўл олдик. Буёғини вақт кўрсатади. 

– "Сурхон"га қарши ўйинда ғалаба қозонишингизга асосий сабаб нима бўлди?

– Биз қарши ҳужум тактикасига тайёрлангандик. "Сурхон"га ғалаба керак эди ва улар олдинги ўтиши аниқ эди. Биз бунга тайёр эдик. Охиргача ўйнашга келишиб олгандик. Бу вазифа аъло даражада уддаланди. Раҳбаримиз бизга ғалаба қозониш топшириғини берганди, биз бу вазифани уддаладик. Раҳбариятга раҳмат айтамиз. "Сурхон" жамоасини ўрганиб чиқиб, қарши ҳужум режа қилинганди. 

– Қуръадан сўнг "Лочин" жамоаси бундай натижа кўрсатишини кўпчилик кутмаганди. Жамоа ўз олдига қандай мақсадни қўйган?

– Жамоа юқори мақсадларни кўзлаган. Про лигага йўлланмани қўлга киритиш асосий мақсад. Кубокда эса гуруҳдан чиқиб, узоқроққа бориш вазифаси олдимизга қўйилган.