Бу ҳақда клуб расмий твиттери хабар берди. 27 ёшли сенегаллик футболчи бу борадаги курашда хавбек Фабиньо ҳамда марказий ҳимоячи Виржил ван Дейкни ортда қолдирди.
"Ушбу совринни қўлга киритганимдан хурсандман. Ҳар доим энг яхшиси бўлиш учун курашаман, бу мен учун фахр туйғусини беради. Сўнгги ҳафталар мен ва жамоадошларим учун ажойиб ўтмоқда. Шу руҳда давом этишимиз керак", - деди африкалик.
Ўтган ноябрь ойида Садио 6 ўйинда 3 гол урди ва 1 голга ассистентлик қилди.
