“Ливерпуль” Вернер бўйича музокараларни тўхтатди

“Ливерпуль” “Лейпциг” клуби ҳужумчиси Тимо Вернер трансфери юзасидан олиб борилаётган музокараларда танаффус олишини маълум қилган. Бу ҳақида клуб футболчининг агентига хабар юборгани айтилмоқда.

Қайд этилишича, “Ливерпуль” ҳозирча Вернер трансфери юзасидан немис клубига расмий таклиф юборишга тўлиқ тайёр эмас. Клубдагилар дастлаб молиявий ҳолат бўйича тўлиқ ҳисоб-китоб қилиб олиш ниятида. Боиси клуб коронавирус пандемияси сабаб сезиларли даражада йўқотишга дуч келади.

Эслатиб ўтамиз, Вернернинг хизматларига айни дамда “Реал”, “Челси”, “Бавария” клублари ҳам қизиқиш билдирмоқда.