Ли Мейсон "Арсенал" – "Брентфорд" ўйинидаги хато туфайли VAR ҳаками лавозимини тарк этди
18 фев 2023 12:45
Янгиликлар

Ли Мейсон "Арсенал" – "Брентфорд" ўйинидаги хато туфайли VAR ҳаками лавозимини тарк этди

Видеоассистент Ли Мейсон АПЛнинг 23-тури доирасидаги "Арсенал" ва "Брентфорд" (1:1) ўртасидаги ўйинда йўл қўйган қўпол хатосидан сўнг VAR ҳаками лавозимидан кетди.

Мейсон Айван Тоуни гол урган вазиятда ўйиндан ташқари ҳолатни пайқамади ва голни ҳисоблади. Бу инглиз футболида катта эътирозларга сабаб бўлди.

Видеоассистент ва унинг ёрдамчилари Тоунига пас берган Кристиан Нёргор офсайдда бўлганини кўрмади ва кейинроқ маълум бўлдики, эҳтимолий офсайдни текшириш учун ҳатто чизиқлар ҳам чизилмаган. Агар чизиқлар бўлса, гол бекор қилинган бўларди.

Натижада, Мейсоннинг ўзи оммавий баёнотлар қилмасдан, VAR ҳаками лавозимини тарк этишга қарор қилди.

Ҳавола :

Манба : The Athletic

Янгиликларни Телеграмда ўқинг!

Рейтинг: +4