Леонарду Жардим: «Фалькао ва Агуэро ажойиб ҳужумчилар»
22 фев 2017 08:45
Янгиликлар

Леонарду Жардим: «Фалькао ва Агуэро ажойиб ҳужумчилар»

«Монако» устози Леонарду Жардим «Манчестер Сити»га қарши ўйиндан сўнг (3:5) ўз фикрларини билдирди.

«Бу баҳс ЕЧЛ доирасидаги энг ғаройиб ўйинлардан бири бўлди. Мухлислар ажойиб ҳужумлар ва 8та голдан завқ олишгани аниқ. «Монако» зўр ўйнади ва мен шогирдларимни табрикладим. Ҳимояда хатоларга йўл қўйдик, пенальтидан гол ура олмадик.

Мбаппе ажойиб ўйин ўтказди деб ҳисоблайман. 18 ёшли футболчи ЕЧЛда ўзини йўқотиб қўйгани йўқ.

Фалькао – ғаройиб ҳужумчи, Англияда у қадар яхши ўйнай олмаган бўлса ҳам ҳозир ажойиб формада. Шу билан бирга Агуэро – жаҳон даражасидаги ҳужумчи. Олдинда яна 90 дақиқалик ўйин бор», – дейди Жардим.