Кузда U-16 ва U-19 Осиё чемпионатлари бўлиб ўтади. Ўзбекистон иккала мусобақада ҳам йўқ
03 сен 2018 13:05
Янгиликлар

Кузда U-16 ва U-19 Осиё чемпионатлари бўлиб ўтади. Ўзбекистон иккала мусобақада ҳам йўқ

Теглар : Ўзбекистон U-19 Ўзбекистон U-16

Сентябрь ва октябрь ойида Осиё қитъасида иккита чемпионати ўтказилади.

20 сентябрь - 7 октябрь кунлари Малайзия мамлакатида U-16 Осиё чемпионати финал босқичи бўлиб ўтади.

Унда қуйидаги терма жамоалар иштирок этишади:

"А" гуруҳи: Малайзия, Япония, Таиланд, Тожикистон
"B" гуруҳи: КХДР, Уммон, Яман, Иордания
"C" гуруҳи: Эрон, Вьетнам, Ҳиндистон, Индонезия
"D" гуруҳи: Ироқ, Жанубий Корея, Австралия, Афғонистон

Ўтган йил бўлиб ўтган саралаш баҳсларида Дилшод Нуралиев бошчилигидаги Ўзбекистон ўсмирлар терма жамоаси Иордания ва Саудия Арабистонидан кейин 3-ўринни эгаллаб йўлланмадан қуруқ қолганди. Малайзиядаги қитъа биринчилигида Афғонистон, Ҳиндистон, Яман каби жамоалар иштирок этишади.

18 октябрь - 4 ноябрь кунлари Индонезия мамлакатида U-19 Осиё чемпионати финал босқичи бўлиб ўтади.

Унда қуйидаги терма жамоалар иштирок этишади:

"A" гуруҳи: Индонезия, БАА, Қатар, Хитой Тайпеи
"B" гуруҳи: Япония, Ироқ, Таиланд, КХДР
"C" гуруҳи: Вьетнам, Жанубий Корея, Австралия, Иордания
"D" гуруҳи: Саудия Арабистони, Тожикистон, Хитой, Малайзия

Ўтган йил саралаш баҳсларида Александр Мочинов бошчилигидаги Ўзбекистон ёшлар терма жамоаси Тожикистондан кейин 2-ўринни эгаллаб йўлланмадан қуруқ қолганди. Индонезиядаги Осиё чемпионатида Хитой Тайпеи, Малайзия каби жамоалар иштирок этишади.