Куртуа клублар ўртасидаги жаҳон чемпионати финалида иштирок этиши мумкин

Marca хабарига кўра, дарвозабоннинг Ла Лиганинг 20-турида "Мальорка"га қарши ўйин (0:1) олдидан чап оёғидан олган жароҳати унчалик жиддий бўлиб чиқмади.

Бельгиялик футболчининг аҳволи яқин кунларда яхшиланса, унинг клублар ўртасидаги жаҳон чемпионати финалида иштирок этиши ҳам истисно бўлмайди (агарда "Реал Мадрид" ярим финалда "Ал Аҳли"ни мағлуб этадиган бўлса). Мадридликлар финалга йўл олган тақдирда "Фламенго" - "Ал-Ҳилол" жуфтлиги ғолиби билан 11 февраль куни майдонга тушади.

Жорий мавсумда 30 ёшли дарвозабон Испания чемпионатида 15 та ўйин ўтказиб, дарвозасидан 14 та тўп ўтказиб юборди.