Куннинг энг муҳим тадбири ҳақида превью

Мазкур маросим Тошкент вақти билан соат 21:00да бошланади.

Унда Европа чемпионлар лигасининг гуруҳ босқичига чиққан 32 жамоа 4тадан 8та гуруҳга бўлинган ҳолда ажратилади. Қуръа қоидаларига кўра, жамоалар тўрттадан корзинкага ажратиб чиқилган. Унга кўра, битта корзинкадаги жамоалар ўзаро гуруҳда тўқнаш келишмайди. Қоидага кўра, битта чемпионат вакиллари ҳам гуруҳда ўзаро тушиб қолишмайди. Мазкур ҳолат қуръа жараёнида истисно қилинади.

Эслатиб ўтамиз, 26 жамоа гуруҳ босқичига тўғридан-тўғри чиққан бўлса, қолган 6 жамоа номи квалификация раунди орқали аниқланди. Кучли-бешликдаги Англия, Германия, Италия ва Испания чемпионатида ўтган мавсум 1-4 ўринларни эгаллаган жамоалар ҳеч қандай квалификация ёки саралаш ўйинларисиз мусобақага иштирок этиш ҳуқуқини қўлга киритишган.

Европа чемпионлар лигасининг янги мавсуми иштирокчилари

Шунингдек, бугунги маросимда қуйидаги номинация бўйича ғолиблар аниқланади:

• Ўтган мавсум якунларига кўра УЕФАнинг энг яхши футболчиси

• Ўтган мавсум якунларига кўра УЕФАнинг энг яхши аёл футболчиси

• ЕЧЛ 2018/19 мавсумининг энг яхши дарвозабони

• ЕЧЛ 2018/19 мавсумининг энг яхши ҳимоячиси

• ЕЧЛ 2018/19 мавсумининг энг яхши ярим ҳимоячиси

• ЕЧЛ 2018/19 мавсумининг энг яхши ҳужумчиси

Эслатиб ўтамиз, ўтган мавсум якунларига кўра "Реал" футболчиси Лука Модрич УЕФАнинг энг яхши футболчиси деб топилганди.

Жорий йил эса ғолибликка даъвогар футболчилар қаторидан Лионель Месси («Барселона», Аргентина), Виржил Ван Дейк («Ливерпуль», Голландия), Криштиану Роналду («Ювентус», Португалия) ўрин олган.

Европа чемпионлар лигасининг янги мавсумига 17 сентябрь куни старт берилади. Қуйида гуруҳ босқичи тур ўйинлари жадвалини эътиборингизга ҳавола этамиз.

1-тур: 17/18 сентябрь

2-тур: 1/2 октябрь

3-тур: 22/23 октябрь

4-тур: 5/6 ноябрь

5-тур: 26/27 ноябрь

6-тур: 10/11 декабрь

16 декабрь: қуръа 1/8 финал

18/19/25/26 февраль: биринчи ўйинлар 1/8 финал

10/11/17/18 март: жавоб ўйинлари 1/8 финал

20 март: қуръа 1/4 и 1/2 финал

7/8 апрель: биринчи ўйинлар 1/4 финал

14/15 апрель: жавоб ўйинлари 1/4 финал

28/29 апрель: биринчи ўйинлар 1/2 финал

5/6 май: жавоб ўйинлари 1/2 финал

30 май: финал - "Отатурк Олимпия стадиони", Истанбул

Азиз мухлислар, Сиз эса изоҳларда эҳтимолий гуруҳларда қайси жамоаларни кўришни исташингиз ва ўтган мавсум якунларига кўра УЕФАнинг энг яхши футболчиси номига ким кўпроқ лойиқлиги ҳақида ўз фикр ва мулоҳазаларингизни қолдиришингиз мумкин.