"Кучли-бешлик"даги иккита яққол аутсайдер

Бири Бундеслига турнир жадвалининг охирги ўрнидаги "Кёльн" жамоаси бўлса, иккинчиси А Серия меҳмони "Беневенто".

"Кёльн" ўтказилган 13 ўйиндан атига иккитасида дуранг қайд этган. Қолган барча ўйинларда рақибларига мағлуб бўлаётган "эчкилар" раҳбарияти Петер Штогерни истеъфога чиқаришга шошилмаяпти.

А Серия дебютанти "Беневенто" эса ўтказилган 14-турдан кейин бирорта очко ҳам жамғара олмаган. Дебютант йўлидан чиққан барчага 3 очкони "совға" қилишда давом этмоқда.
Клуб раҳбарияти 9-турдан кейин жамоанинг ўша пайтдаги бош мураббийи Марко Баронини истеъфога чиқарганди. Унинг ўрнига келган Роберто Де Зерби ҳам ҳозирча фақат мағлубиятга учрамоқда. Агарда вазият ўзгармайдиган бўлса, унда "Беневенто" клуби раҳбарияти жамоага иккинчи даврада янги бош мураббий излашлари керак бўлади.