"Кристал Пэлас" "Майнц" тўпурарини 15 млн еврога харид қилиш ҳуқуқи билан 1,5 йилга ижарага олди

23 ёшли франциялик футболчининг ижараси лондонликларга 2,7 миллион фунт (3 миллион евро)га тушди.

"Пэлас" Матетани 13,4 миллион фунт (15 миллион евро) эвазига харид қилиши мумкин, аммо ҳужумчи АПЛ доирасидаги 15та ўйинда асосий таркибда тушса, бу банд клуб учун мажбурий бўлади.

Матета - "Майнц"нинг энг яхши тўпурари. У жорий мавсум Бундеслига доирасидаги 15та ўйинда майдонга тушиб, 7та гол ва 1та ассист қайд этди.