Коутиньо “Барселона”даги илк голи ҳақида: Аввалроқ гол уришни истагандим

Бразилиялик ярим ҳимоячи дебют голи ҳақида фикр билдирди.

“Финалга чиқиш — мен учун муҳим лаҳза, аммо унгача жуда кўп ўйинлар бор. Бугун икки карра бахтлиман, чунки аввалроқ гол уришни жуда ҳам хоҳлагандим. Бу ишни “Валенсия”га қарши амалга оширдим ва бу жамоамга финалга чиқишга ёрдам берди. Ҳал қилувчи ўйинда, умуман ҳамма финалларда ҳам қийин бўлади. Аммо бу яхши баҳс бўлади. Унга тайёрланишга биз учун етарлича кўп вақт бор”, — дейди Коутиньо.

Филиппе ўзининг “Барса” сафидаги бешинчи учрашувида илк голини уришга муваффақ бўлди.