Олган маълумотларимизга кўра, "Косонсой"нинг ўрнига бир йўла уч жамоа биринчи лигада қатнашиш хоҳишини билдирган. Булар - "Бунёдкор-2", "Гулистон" ва “ФарДУ-Футбол-инфо”.
Ёдингизда бўлса, ёш "қалдирғочлар" ўтган мавсум биринчи босқичда саккизликка кира олмасдан 1-лига билан хайрлашган эди. “ФарДУ-Футбол-инфо” эса, йил охирида ташкил қилинган "пулька" баҳсларида қатнашиб, йўлланмани қўлга кирита олмаганди. Бахтиёр Ашурматов билан олий лигада қатнашиб ўша йилиёқ кучлилар сафини тарк этган "Гулистон" эса, келаси йил 1-лигада ҳам омадсизликка учраганди.
