Маълум бўлишича, 46 ёшли мутахассис Италия футбол федерацияси билан шартнома узайтиришни истамади ва март ойида "Челси" мураббийи бўлиш учун навбатдаги музокараларни ўтказади. Олдинроқ инглиз клуби раҳбари Роман Абрамович жамоага Диего Симеонени ("Атлетико") чақириш фикридан воз кечаганини ва Конте ҳамда Массимилиано Аллегри номзодларини кўриб чиқаётгани эълон қилинган эди.
Конте "Челси"га ўз жамоасида кўришни истаган футболчилар рўйхатини юборди. Булар, Поль Погба ("Ювентус"), Хосе Хименес ("Атлетико"), Марко Вератти ва Эсекьел Лавесси (иккаласи ПСЖ).
