Бу ҳақда Конго Президенти матбуот хизмати хабар берди.
"Эллик икки йил ўтиб, ниҳоят, биз бунга эришдик! Республика Президенти Феликс Чисекеди "Леопардлар"ни Мексиканинг Гвадалахара шаҳрида бўлиб ўтган қитъалараро плей-офф финалида Ямайка жамоаси устидан қозонилган ажойиб ғалаба билан табриклайди", – дейилади расмий баёнотда.
Президент Феликс Чисекедининг сўзларига кўра, "ушбу тарихий натижа миллий терма жамоанинг ярим асрдан ортиқ кутишидан сўнг Жаҳон чемпионатига қайтишини англатади ва бутун бошли авлоднинг орзусини рўёбга чиқаради".
"Спортдаги ушбу ютуқдан ташқари, бундай муҳташам йўл жамоавий руҳ, фидойилик ва матонатни ўзида мужассам этади. Мазкур ғалаба миллий бирлик ва ҳамжиҳатликни мустаҳкамлашга хизмат қилади. 2026 йилнинг июнь ойида кўришгунча", – дея хулоса қилган манба.
