Коби Брайант ўз-ўзини суратга олиш бўйича Лионель Месси билан мусобақалашди

Машҳур спортчиларнинг «сельфилари» тасвирланган видео 3 декабрь куни YouTube’да пайдо бўлди.

Туркиянинг Turkish Airlines авиакомпанияси реклама кампаниясининг бир қисмига айланган ушбу видеоролик Месси, Москвадаги Қизил майдонда ўзини ўзи суратга олгани ҳолда, Коби Брайантни баҳсга чорлаши билан бошланади. Коби футболчига Буюк Хитой деворида туширилган сурат билан «жавоб беради». Ролик давомида спорт юлдузлари сув остида, тоғларда, чўлда суратларга тушиб, охири Истанбулга етиб келишади.

Коби Брайант ва Лионель Месси Turkish Airlines рекламаларида биринчи марта суратга тушаётгани йўқ. Турк авиаташувчисининг ушбу юлдузлар иштирокидаги аввалги ролиги эълон қилинганидан кейинги беш кун давомида 20 миллион мартадан кўпроқ томоша қилинган эди (ушбу хабар ёзилаётган вақтда роликни томоша қилганлар сони 105 миллиондан ошганди). Аввалги ролик сюжети спортчилар самолёт салонига кирган бола диққатини ҳар турли йўл тортиши асосига қурилганди.

Ўз-ўзини мобил телефонга суратга тушириш ижтимоий тармоқлар сабаб урф бўлди. Instagram эса «cелфи»ларни чоп этиш учун энг оммабоп жойга айланган. Instagram фойдаланувчилари шу кунгача тегишли тег (#selfie) остида шу кунгача 53 миллиондан ортиқ суратни чоп этишган. Ўз-ўзини суратга олишнинг оммалашуви Оксфорд инглиз тили луғати тузувчиларини «selfie»ни йил сўзи сифатида тан олишга мажбур қилди.