UZ

Сўнгги янгиликлар

15:16Ямаль энди аввалгидек ўйнолмайдими?  1 14:52Равшан Эрматов: "Илмий-таҳлилий ёндашув орқали ўсмир футболчиларнинг ривожланишини ўрганиб бориш, таҳлил қилиш керак"  1 14:14Мактоминей АПЛга қайтиши мумкин, фақат МЮга эмас  0 13:45Винисиус "Эл Класико"даги иши учун узр сўради  10 13:17ПСЖ футболчиси оғир жароҳат олди  1 12:54Хайрулла Ҳамидов: "Қизил бермаслик учун ҳакамларда ҳеч қанақа талқин йўқ эди"  19 12:25Отабек Жўраев: "Кубок финалига чет эллик ҳакамларни таклиф қилиш керак эди. Масалан, Италиядан. Дон Фабио ёрдам берган бўларди деб ўйлайман"  9 11:50Суперлиганинг 26-тур ўйинларида ҳакамлик хатолари кузатилдими?  3 11:35Абдуқодир Ҳусанов кечаги ўйиндаги ҳаракатлари учун неча баҳога лойиқ кўрилди?  10 10:43МЮ 21 миллионга сотган футболчисини "Барселона" 90 миллионга сотиб олиши мумкин  2 10:20Шаҳбоз Жўрабеков: "Поезд кетиб бўлди, вақт ортга қайтмайди"  11 09:52​Умар Эшмуродов: "Ҳеч ким ютқазиш учун ўйнамайди. Элит ОЧЛда яхши ўйнаш керак, аммо..."  6 09:37"Барселона" юлдузи узоқ муддатга сафдан чиқди  5 09:11Андижон ҳокими, Ортиқхўжаев ва Аҳмедов. "Пахтакор"га кубок топширилган тақдирлаш маросимидан ГАЛЕРЕЯ  26 09:00Мадриднинг "Реал" клуби Винисиуснинг келажаги борасидаги позицияси маълум   11

Клублар нима сабабдан ёш ўйинчиларни сотишдан кўпроқ даромад олишади? Янгиликлар

Клублар нима сабабдан ёш ўйинчиларни сотишдан кўпроқ даромад олишади?

Академияни битирган ўйинчиларни сотиш футбол клублари учун молиявий олтин конини ҳосил қилиши мумкин.

Бундай фойданинг асосини амортизация деб аталадиган бухгалтерия усули ташкил этади. Унда бизнес актив қийматини узоқ муддат давомида тақсимлайди.

Харажатларни тақсимлаш учун амортизациядан фойдаланиш - бу футбол клублари қитъа мусобақалари ва миллий чемпионатлар, жумладан Премьер-лиганинг фойда ва барқарорлик қоидаларига риоя қилиш учун қўллайдиган усулдир.


Клуб янги ўйинчини сотиб олганда нима содир бўлади?

Клубларнинг молиявий ҳисоботларида ўйинчилар актив сифатида кўрсатилади. Ҳар бир ўйинчининг амортизация қилинган қиймати мавжуд.

Футболда клубларнинг янги ўйинчилар учун тўлаган трансфер тўловларини амортизация қилиш (тақсимлаш) одатий амалиётга айланди.

Масалан, агар янги ўйинчи тўрт йиллик шартнома асосида 80 миллион фунт стерлингга сотиб олинса, амортизация натижасида бу тўлов клуб ҳисоботларида тўрт йил давомида ҳар йили 20 миллион фунт стерлинг сифатида қайд этилади.

Амортизация ёрдамида харажатларни узоқроқ муддатга тақсимлаш клублар учун ўз ҳисоботларида кўпроқ маблағ ажратиш имконини берувчи усулдир.

Бу эса уларга бир трансфер ойнасида янги ўйинчиларга кўпроқ маблағ сарфлаш имконини беради, чунки молиявий ҳисоботларга кўра, улар тўлашга рози бўлган трансфер тўловларининг тўлиқ қиймати анча кейинроқ ҳисобга олинади.


Футболчи сотилганда нима бўлади?

Футболчи харидларининг вақт давомида тақсимланишидан фарқли ўлароқ, уларнинг сотилиши одатда бир йиллик ҳисоботларда тўлиқ акс эттирилади.

Клубда рўйхатда турган ҳар бир ўйинчининг амортизация қиймати ҳар йили пасайиб боради.

Келинг, мисол тариқасида тўрт йиллик шартнома асосида 80 миллион фунт стерлингга сотиб олинган футболчини кўриб чиқайлик. Икки йил ўтгач, футболчининг клуб ҳисобидаги амортизация қиймати 40 миллион фунт стерлингни ташкил этади. Ўша ёзги мавсумда у 50 миллион фунт стерлингга сотилади.

Гарчи бу рақам клуб икки йил олдин тўлаган суммадан 30 миллион фунт стерлингга кам бўлса-да, клубнинг молиявий ҳисоботларида бу 10 миллион фунт стерлинг фойда сифатида қайд этилади, чунки у футболчининг 40 миллион фунт стерлинглик амортизация қийматидан юқори.


Ёш футболчиларнинг трансфер нархи нима учун қиммат?

Ёш ўйинчиларнинг амортизация қиймати автоматик равишда жуда паст бўлади, чунки уларга дастлаб деярли ҳеч қандай трансфер тўлови тўланмайди. Улар қайси нархда сотилмасин, бу маблағни ҳисоботларда деярли "соф фойда" сифатида кўрсатиш мумкин.

Шундай қилиб, ҳисоботлар нуқтаи назаридан, "Челси"нинг Конор Галлахерни ўтган ёзда "Атлетико Мадрид"га 33 миллион фунт стерлингга сотиши, Ромелу Лукакунинг "Наполи"га 30 миллион фунт стерлингга кетишига қараганда анча қимматбаҳо бўлди. Сабаби, Галлахер академиядан етишиб чиққан бўлса, Лукаку жуда юқори трансфер нархида сотиб олинган эди.

Рейтинг: +7   

Фикрлар

championat.asia
< сўнгги янгиликларни кўриш
Яндекс.Метрика