Клопп ёзда Германия ТЖни бошқариши ҳақидаги гап-сўзларга жавоб қайтарди

Унинг ўрнини эса “Ливерпуль” устози Юрген Клопп эгаллаши мумкинлиги тахмин қилинди.

“Ёзда Германия терма жамоасини бошқармайман. Уларга яқин орада бўшамаслигимни тушунтирдим. “Ливерпуль” билан 3 йиллик шартномам қолди, битимни шунчаки эмас, бу ерда ишлашни хоҳлаганим учун имзолаганман.

“Майнц” ва “Боруссия Д”да ишладим, гарчи бошқа клублар менга қизиқиш билдирган ва кўпроқ пул таклиф қилган бўлса ҳам, шартнома мен учун муҳим аҳамиятга эга. Албатта, Лёвнинг кетиши ҳақидаги хабар мени ҳайратда қолдирди, умид қиламанки, унинг ўрнига муносиб номзод топишади”, дейди Клопп.