Клопп: "Ливерпуль" футболчиларни клубда қолишга пул билан эмас, футбол билан кўндиради"
03 мар 2018 17:11
Янгиликлар

Клопп: "Ливерпуль" футболчиларни клубда қолишга пул билан эмас, футбол билан кўндиради"

"Ливерпуль" бош мураббийи Юрген Клопп футболчиларни қандай жамоада олиб қолиши ҳақида айтиб берди.

"Жамоада ёшроқ футболчиларни сақлаб қолишимиз керак. Асосий футболчиларни йиғиб, қолганларга омад тилайдиганлардан эмасмиз.

Бизнинг ишимиз - ҳар бир инсон унинг бир қисми бўлишни истайдиган нарса яратиш. Атрофда етарлича яхши клублар бор. "Ливерпуль"дан яхшироқ бўлган 20та жамоа йиғилмаса керак, бироқ бир нечта кучли клублар мавжуд. Агар улар футболчига катта маош таклиф қилишса, ўйинчилар ушбу таклифни қабул қилиши мумкин.

Биз футболчиларни пул билан ишонтира олмаймиз. Уларни муносабатимиз, муаммоларни бирга ҳал қилишимиз ва футбол билан кўндиришимиз керак. "Ливерпуль"да ажойиб футбол лойиҳаси амалга оширилмоқда. Жамоага келганимдан бери шундай таассурот уйғонмоқда" - дейди Клопп.

Ҳавола :

Манба : The Telegraph

Янгиликларни Телеграмда ўқинг!

Рейтинг: +13