UZ

Сўнгги янгиликлар

09:59Почеттино Эриксеннинг қолишига умид қилмоқда   0 09:45“Наполи” Пепе учун курашга қўшилди   0 09:27Де Хеанинг “Манчестер Юнайтед”даги маоши оширилади   3 09:23“Арсенал” “Селтик”ка янги таклиф билан чиқади   2 08:50“Реал” ҳужумчиси учун Италия клублари кураш олиб боради   4 08:35Магуайрнинг “Манчестер Юнайтед”да қанча маош олиши маълум бўлди   12 08:20Почеттино “Тоттенхэм” раҳбариятидан Себальос трансферини тезлаштиришни сўради   1 08:03“Арсенал” бразилиялик ҳужумчини сотиб олади   7 07:55Расман: “Манчестер Сити” футболчиси “Эвертон”га ўтди   0 02:00Спортчилар ижтимоий тармоқларда  2 01:40"Реал" вингери жароҳат олди  4 01:05"Локомотив" мухлислари Денисовга миннатдорчилик билдиришди  31 00:35Гризманндан сўнг, де Йонг ҳам ўзига рақам танлади  5 00:15РПЛ. Денисов тўлиқ ўйнаган баҳсда "Рубин" мехмондан очко билан қайтадиган бўлди  3 23:55Расман: "Ньюкасл" форварди Испанияга қайтди  2

"Ким келса келаверсин, рақобатдан қўрқмайман. "Реал"нинг кейинги мавсуми меники бўлади!" Янгиликлар

"Ким келса келаверсин, рақобатдан қўрқмайман. "Реал"нинг кейинги мавсуми меники бўлади!"

"Мадрид"нинг бугунги 7-рақами Мариано Диас билан интервью.

— Ҳозирда “Реал Мадрид” сафида ўйнаяпсиз. Айтингчи, шу йил ёзда нимадир ўзгариши мумкинми?

— Йўқ! Бу менинг жамоам.

— Демак клубда қоласиз?

— Ҳа, кўпроқ совринларни қўлга киритмагунимгача шу ерда бўламан.

— Нимага ишониб бундай деяпсиз?

— Менинг орзум фаолиятимни “Реал Мадрид”да давом эттириш эди ва бунга эришдим. Энди эса бу ерга шунчаки келмаганимни исботламоқчиман.

— Нима учун бундай қарорга келдингиз ва бошқа таклифларни кўриб чиқишдан бош тортдингиз? 

— Мен “Мадрид”га қайтиш учун қаттиқ меҳнат қилдим. Болалигимдан шу клубда ўйнашни истаганман. Энди эса шундай имкон менга берилди. Шунинг сабабли, дунёнинг энг яхши клубида қолиш учун қўлимдан келганини қиламан.

—Трансфер ҳақидаги миш-мишларни кузатиб борасизми? 

— Йўқ, бундай хабарлардан қочишга урунаман. Лекин жамоага келган ҳар бир ўйинчи учун хурсанд бўламан.

— Агар исмингизни “сотиб юбориладиган ўйинчилар” рўйхатида кўриб қолсангиз, қаттиқ ташвишга тушармидингиз? 

— Бу мавсум ҳаммамиз учун қийин кечди. Шунақаси ҳам бўлиб турар экан. Оммавий ахборот воситалари ёзаётган хабарларни тўғри қабул қилиш керак.

— Жамоавий ва шахсий масалалар борасида қандай хулосалар чиқарилди?

— Бу мушкул бўлди. Чунки биз олдимизга қўйилган мақсадларга эришолмадик. Ҳозир фақат келаси мавсум ҳамда янги совринларни қўлга киритиш ҳақида ўйлашимиз зарур.

— Ўз-ўзини танқид қилиш... Хўш, сиз ушбу мавсумингизни қай даражада баҳолайсиз?

— Бизга берилган вазифаларни бажара олмаганимизни яхши тушуниб турибмиз. Янги мавсум — ўзимизни намоён қилиш учун яхши имкон. Уни интизорлик билан кутмоқдаман.

— Бир йил аввал ҳаммаси шундай якунланиши мумкинлиги ҳеч ҳаёлингизга келганмиди?

— Мен Францияда эдим. “Лион”да мени кутаётган саргузаштларни бошимдан ўтказдим, аммо “Мадрид”га қайтиш бу ажойиб, сўз билан таърифлаб бўлмайдиган ҳолат эди.

— “Реал” каби қатъиятли, кучли характерга эга жамоа. Хўш у қандай қилиб сизлар тушиб қолган вазиятда қолиб кетди?

— Доимо тинимсиз равишда курашиш керак. Мен шу ҳақида тинимсиз равишда ўйлайман. Ахир меҳнат — муваффақият калити. Яхши ишласангиз, олдингизга қўйган барча мақсадларингизга эришишасиз.

— “Мадрид”даги “еттинчи”ни кийиш сиз учун нимани англатади?

— Буюк футболчилар ўйнаган бу рақамни кийишдан фахрланаман.

— Бу рақам билан боғлиқ босимни ҳис қиласизми?

— Йўқ. Бироқ Хуанито, Криштиану каби буюк футболчилар ўйнаган бу футболка келгусида ўз устимда ишлашим, янада яхшироқ меҳнат қилишимда менга куч беради.

— Лопетегининг кетишига нима сабаб бўлди? Жамоа гол уришда муаммоларга дуч келганими?

— Бу жуда қийин давр бўлди. Сабаби бизга берилган топшириқларни бажара олмадик.

— Класикодан кейин жароҳат олиб, Солари билан ишлай олмадингиз…

— Футболда шунақаси ҳам бўлиб туради. Ўзимни ёмон ҳис қилдим, аммо жамоага ёрдам беришни истадим. Соғайишим учун менга вақт керак бўлди. Худога шукур, ҳозир ҳаммаси яхши.

— Аммо кейин бел билан боғлиқ муаммога дуч келибсиз. Нима бўлгани ва бунга қарши қандай курашганингиз ҳақида айтиб бера оласизми?

— Ҳа, жароҳат олдим. Шу сабаб 2019 йил бошида майдонга туша олмадим. Қийин бўлди. Ҳаттоки матрасимни ўзгартиришимга тўғри келди.

— Соғайган бўлишингизга қарамай, Солари сизни Класико — “Аякс”га қарши ўйинда майдонга тушурмади...

— Ҳа, ўша пайт жамоага ёрдам бера олмаганимдан қаттиқ афсусландим. Лекин энди бу муҳим эмас. Ҳозир фақат келаси мавсум ҳақида ўйлашимиз керак.

— Зиданнинг қайтиши — сиз учун яхшими?

— Зидан клубда кўплаб ижобий ишларни амалга оширган. У ҳам ўйинчи, ҳам мураббий сифатида кўп ютуқларга эришган. У билан муносабатларимиз яхши.

— Янги мавсумга қандай тайёргарлик кўпяпсиз?

— Катта жўшқинлик билан. Бу йил менинг "Мадрид”даги энг яхши йилим бўлади. Мен нима учун келганимни исботлаб бераман.

— Жамоа яна ғалаба қозониши учун нима қилиши керак? 

— Шунчаки динамикани ўзгартириши керак. Ўйиндан ўйинга муваффақият қозонган ҳолда ўтиши керак.

— Яна бир мавсумни омадсиз тарзда ўтказишга ҳаққингиз йўқ. Жамоага катта босим ўтказилиши мумкинлигини ўзингиз яхши тушуниб турибсизку?

— “Мадрид”дан доим ҳамма нарсани максимал даражада талаб қилишган. Ҳар бир машғулот ва ўйин пайти юқори даражада ҳаракат қилиш талаб этилади. Шунинг учун ҳам, “Мадрид” — дунёнинг энг яхши клуби.

— Жамоада Бензема бор. Эҳтимол, Йович ҳам келар... Кучли рақобат бўлган клубда ўйнаш сиз учун қийинчилик туғдирмайдими?

— Клубга ким келишининг фарқи йўқ. Рақобат доим фойда келтиради. Улар учун ҳам, мен учун ҳам.

— Йович жамоага келса, марказий ҳужумчига бўлган эътибор кучли бўлишидан ҳавотирланмаяпсизми?

— Клубга келган турли позициядаги ўйинчиларнинг барчаси яхши кутиб олинади. Улар жамоага фойда келтириши ҳамда бизни кучлироқ қилиши мумкин.

— Августда “Мадрид”га қайтганингиз ҳақида нималар дея оласиз?

— Мен “Севилья”нинг таклифини кўриб чиқаётган эдим. Кейин эса “Мадрид” қайтишимга қизиқиш билдиргани ҳақида эшитиб қолдим. Клуб вакиллари билан учрашдим, Лопетеги мени жамоага қайтишга кўндирди. Мен “Мадрид”га рад жавобини бера олмадим ҳам. Шу ерда ўйнашни хоҳладим. Ўзимни уйга қайтгандек ҳис қилдим. 16 ёшлигимда Кантерада тўп тепган пайтларим ёдимга тушди. Аммо ўйинчи сифатида анча ижобий томонга ўзгарганман.

— Кантерада ҳам осон бўлмаган, тўғрими?

— У ерда ҳам, биринчи жамоамда ҳам талаб кучли эди. Бошланғич таркибдаги ўринга осонлик билан эришмаганман. Бунинг учун жуда кўп гол уришимга тўғри келган. 

— Сиз академиядан тезроқ кетишни истаганмидингиз?

— Клуб кантерасидан кетиш мақсадим бўлмаган. Лекин биринчи жамоага ўтишни кўпроқ истаган эдим.


Нозима Зарипова таржимаси

Рейтинг: +23   

Фикрлар

+3   
04 июн 15:40:42
andi
Yaxshi o'yinchisan yangi sezon shunday o'ynaki Ronaldu hayron qolsin Benzema zahirada qobketsin
+1   
04 июн 13:03:38
Ibodillo Ergashev
Juda iqtidorli Futbolchi. Lionda Fekir bilan anotib mavsum utgazgan edi. Omad. Uyinini topvolsin. Nafaqat Dias balki butun Realga taluqli bu gaplar.
+1   
04 июн 12:57:02
アリエフ 
Shu yil Realda qolqan taqdirda ham 7 chi raqamni yangi kegan fudbolchiga olib bersa kerak Perez
   
07 июн 09:02:25
toshmi
andi фойдаланувчининг фикрига жавоб бериш
Yaxshi o'yinchisan yangi sezon shunday o'ynaki Ronaldu hayron qolsin Benzema zahirada qobketsin
Benzima zahirada qomidi
   
04 июн 18:37:16
Olg'a~O'zbekistonim
Shu saytga 5 yildan beri kirardim 5 yil 1 ta loginda profilda yurardim fikrlar qoldirardim ( ongli tarzda fikr yozib xech kimni kamsitmiy ) lekin shu oxirgi Osiyo cupdan keyin Kuperni o'yin uslubi rosmana yoqani uchunam Begamov va CAni boshqa jurnalistlarni Kuperni uslubi tog'risida maqollalar yozgan payt men Kuperni uslubi yoqani u qolishi kerakligi tog'risida tanqidiy fikrlar yozdim(albatta xech kimni haqorat qilmiy jurnalstlarni hurmat qilgan holda) shu Kuper taraf bop yozganimni bilaman ignor ignor ignor chorniy spiska qivorishdi xozirgi profilm 6 chisi bo'lsa kerak xa mayli nechanchisi bolsa ham Kuper qolishini va unda vaqt berilishi tarafdoriman iltimos jurnalstlar xalqni ham gapiga quloq soliylar shaxsiy husumatiyla bolsa bir chetga suriyla
   
04 июн 18:37:09
Olg'a~O'zbekistonim
Shu saytga 5 yildan beri kirardim 5 yil 1 ta loginda profilda yurardim fikrlar qoldirardim ( ongli tarzda fikr yozib xech kimni kamsitmiy ) lekin shu oxirgi Osiyo cupdan keyin Kuperni o'yin uslubi rosmana yoqani uchunam Begamov va CAni boshqa jurnalistlarni Kuperni uslubi tog'risida maqollalar yozgan payt men Kuperni uslubi yoqani u qolishi kerakligi tog'risida tanqidiy fikrlar yozdim(albatta xech kimni haqorat qilmiy jurnalstlarni hurmat qilgan holda) shu Kuper taraf bop yozganimni bilaman ignor ignor ignor chorniy spiska qivorishdi xozirgi profilm 6 chisi bo'lsa kerak xa mayli nechanchisi bolsa ham Kuper qolishini va unda vaqt berilishi tarafdoriman iltimos jurnalstlar xalqni ham gapiga quloq soliylar shaxsiy husumatiyla bolsa bir chetga suriyla
   
04 июн 14:34:48
Erkin Yorov
Mane kelsin reyalni tarniyalaydi lekin mani peres zidan eshitmaydida essiz
   
04 июн 13:25:27
Жандос Нурманов
Журналисо нима соради? Дияс умуман бошка нарса дияпти)))))))
-1   
04 июн 14:54:08
Oybek Alisherovich
7 raqam Hazardga berilsa kerak. Agar Bale sotilsa va Mbappe kesa Mbappega 11 raqam tegsa kerak
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг