Iqtidorli futbolchilardan biri kichik Jasur Hasanov kecha jamoamiz bilan xayrlashdi. Bunga qadar 16-raqamda to'p surib kelgan yarim himoyachi yangi mavsumga tayyorgarlikni “Lokomotiv”da olib bordi. U Dubayda tashkil etilgan har ikki yig'inda ham ishtirok etgandi.
Biroq keyinchalik futbolchi o'z xohishiga ko'ra klubdan ketishga qaror qildi. Bunda u “Lokomotiv” murabbiylari bilan kelishib ish ko'rdi. Biz Jasur Hasanovga “temiryo'lchilar” bilan hamkorligi uchun minnatdorchilik bildiramiz va uning keyingi faoliyatida omad tilaymiz.
