Киберспорт. Артур Бабаев ўйнайдиган "Evil Geniuses" жамоаси "The Boston Major"нинг чорак финалига чиқди
08 дек 2016 15:47
Янгиликлар

Киберспорт. Артур Бабаев ўйнайдиган "Evil Geniuses" жамоаси "The Boston Major"нинг чорак финалига чиқди

Олдинроқ Ўзбекистонда туғилган Dota 2 ўйини бўйича жаҳоннинг етакчи киберспортчиларидан бири ҳисобланган Артур Бабаев ("Arteezy") ҳақида эълон қилган эдик.

Ушбу киберспортчимиз айни дамда ўз жамоаси ("Evil Geniuses") билан АҚШнинг Масачусетс штатидаги "Ванг" театрида бўлиб ўтаётган соврин жамғармаси 3 млн. доллар бўлган "The Boston Major-2016" турнирида иштирок этмоқда.

Кеча Артур Бабаев бошчилигидаги "Evil Geniuses" жамоаси ушбу мусобақанинг нимчорак финалида "Wings Gaming" билан кураш олиб борди. Ҳамюртимиз ўйнайдиган жамоа рақибларини икки ўйинда ҳам мағлуб этиб, турнирнинг чорак финалига чиқишди. Энди "Evil Geniuses" чорак финалда Россиянинг машҳур "Virtus.pro" жамоасига қарши баҳс олиб боради. Бу ўйин 9 декабрь куни Тошкент вақти билан 20:00да бошланади.

Пул ютуқлари:

1-ўрин. 1 000 000 доллар.

2-ўрин. 500 000 доллар.

3-4-ўринлар. 250 000 доллардан.

5-8-ўринлар. 125 000 доллардан.

9-16-ўринлар. 62,500 доллардан.

Ҳавола :

Манба : championat.asia

Янгиликларни Телеграмда ўқинг!

Рейтинг: +5