Киберфутбол: PCFLнинг Хоразм вилояти ва Қорақалпоғистон Республикаси учун саралаш босқичи бўлиб ўтди

Ушбу ҳудудлар саралаш босқичида 10 нафар киберфутболчи иштирок этди. Муросасиз кечган баҳсларда Серик Айманов барча рақибларини таслим этиб ғолибга айланди.

Тошкентдаги гранд-финалга йўлланмани қўлга киритган ўйинчилар:

1. Серик Айманов

2. Казбек Турсинов

3. Жаксилик Игиликов

4. Алишер Уралбаев

Вилоят ва шаҳар саралаш ўйинларида ғолиб бўлганлар Республика Гранд финалига йўл олади. Гранд финалда кучли 20 таликка кирган иштирокчилар автоматик равишда Олий лигада қатнашиш ҳуқуқини қўлга киритишади. Кучли 40 таликка кирган қолган 20 иштирокчи эса биринчи лига қатнашчисига айланади.

Иккала лига ўйинлари профессионал футбол каби 7-8 ой давом этиши ва телевидения ҳамда барча ОАВларда ёритиб борилиши режалаштирилган.

Ушбу лойиҳадан мақсад Ўзбекистон футболи ривожига ҳисса қўшиш орқали ёшларнинг бўш вақтини мароқли ва мазмунли ўтказишга ёрдам бериш. Шу билан бирга киребфутбол бўйича Ўзбекистон байроғини жаҳон ареналарида баланд кўтариш.

Эслатиб ўтамиз, киберфутбол баҳслари FIFA 16 ўйини бўйича PS4 (PlayStation 4) консолида ўтказилади.

Тошкент шаҳри ва бошқа вилоятлар саралаш ўйинлари ҳақида батафсил маълумотни бу ерда олишингиз мумкин: Барча вилоятлар саралаш босқичи муддатлари