Кьеллини: “Рамос финалда Салоҳни “синдириш”ни “аъло” даражада бажарганди”

Ўша беллашувда мадридликлар ҳимоячиси Серхио Рамос “Ливерпуль” етакчисига жароҳат етказиб, уни “зарарсизлантирганди”.

“Рамос – дунёнинг энг яхши ҳимоячиси. Айтишларича, у юқори импульсда тўп тепади, баъзан мураббийнинг тактик кўрсатмаларидан чиқиб кетади ва мавсум давомида 8-10 та гол айнан унинг хатосидан кейин “Реал” дарвозасидан жой олади. У техникаси юқори футболчи, ҳужумчиларга хос хислатларга эга. У бутунлай менинг аксим.

Серхио ҳеч кимда учрамайдиган иккита жиҳатга эга. Катта ўйинларда ҳал қилувчи ролларни ўйнай олади. Унинг ҳаракатлари мантиққа асосланади ва ҳар қандай рақибни иблисона қитмирлик билан “сафдан чиқаради”, яъни жароҳатлай олади. У айнан шундай ишни ЕЧЛ финалида Салаҳга нисбатан амалга оширганди. Бундай жароҳат етказиш осон  ва ҳамма уддалайдиган иш эмас. Футбочлининг ўзи ўша ҳолатни изоҳлай туриб, бу тасодифан руй берганлигини бир неча бор таъкидлаган.  Аммо ўшандай вазиятларда ерга йиқилаётган футболчи рақиб футболчисини ҳам қўйиб юбормасда  майдонга қулаши – бу 10 та ҳолатнинг 10 тасида ҳам рақибга жароҳат етказиш эҳтимолини оширади” дея қайд этган Кьеллини ўзининг  автобиографик асарида.

ЕЧЛ-2018 финалида “Реал” “Ливерпуль”ни 3:1ҳисобида таслим этган.