Kazemiro "Liverpul" bilan o'yinda olgan jarohati tufayli "Betis"ga qarshi o'yinni o'tkazib yuborishi mumkin

Sherzod Nurmatov

7 mar 2023, 11:25

"Manchester Yunayted" yarim himoyachisi Kazemiro Yevropa Ligasi 1/8 finali doirasidagi "Betis"ga qarshi o'yinni o'tkazib yuborish ehtimoli bor.

Bu haqda ESPN xabar bermoqda.

Futbolchi Angliya Premer-ligasining 26-turidan o'rin olgan "Liverpul"ga qarshi bahsda (0:7) jarohat orttirib oldi. Kazemiro uchrashuvning 77-daqiqasida almashtirildi.

Tibbiyot xodimlari "Betis"ga qarshi o'yin oldidan Kazemironing holatiga baho berishadi.

"Manchester Yunayted" – "Betis" uchrashuvi 9 mart kuni Toshkent vaqti bilan soat 01:00 da boshlanadi.