Quyida Iker Kasilyas tomonidan berilgan eng qiziqarli javoblarni keltiramiz.
Nima uchun siz darvozabon bo'lishga qaror qilgansiz?
Iker Kasilyas: Yoshligimdan darvozaga turishni yoqtirardim. Ko'pincha otam bilan birga futbol o'ynardik, u esa darvozaga turishni xushlamas edi, bu ham ta’sir qilgan!
Siz bilan birga o'ynagan eng qobiliyatli futbolchi?
Kasilyas: Doim Zinedin Zidanning o'yinlarini kuzatish yoqadi.
Yaxshi darvozabon bo'lish uchun nima kerak?
Kasilyas: Avvalo ruhiyati kuchli bo'lishi kerak. Darvozada turish degani bu - mard, aqlli va tavakkalga tayyor bo'lish deganidir.
"Portu" kiyinish xonasidagi eng hazilkash inson?
Kasilyas: Elton. U doim kuladi, bu esa jamoaga ijobiy ta’sir qiladi.
Sizga qarshi o'ynagan eng kuchli hujumchi?
Kasilyas: Lionel Messi. Yana kim bo'lishi mumkin? Bir necha marta "Barselona"ga qarshi o'ynaganman.
Eng yoqimli seyv?
Kasilyas: 2002 yilgi YCHL finalida "Bayer"ga qarshi o'yindagi seyvlar va JCH-2010 finalida Aren Robbenning zarbasidan keyingi seyv.
Yoshligingizda sizning kumiringiz kim bo'lgan?
Kasilyas: Peter Shmeyxel.
Futbol tarixidagi eng kuchli besh nafar darvozabon...
Kasilyas: Shmeyxel, Vitor Bayya, Janluiji Buffon, Oliver Kan va Santyago Kanisares.
Eng chiroyli o'tkazib yuborgan golingiz?
Kasilyas: Hech birini eslay olmayman, sababi har gol o'tkazganimda doim g'azablanaman.
