Қуйида Икер Касильяс томонидан берилган энг қизиқарли жавобларни келтирамиз.
Нима учун сиз дарвозабон бўлишга қарор қилгансиз?
Икер Касильяс: Ёшлигимдан дарвозага туришни ёқтирардим. Кўпинча отам билан бирга футбол ўйнардик, у эса дарвозага туришни хушламас эди, бу ҳам таъсир қилган!
Сиз билан бирга ўйнаган энг қобилиятли футболчи?
Касильяс: Доим Зинедин Зиданнинг ўйинларини кузатиш ёқади.
Яхши дарвозабон бўлиш учун нима керак?
Касильяс: Аввало руҳияти кучли бўлиши керак. Дарвозада туриш дегани бу - мард, ақлли ва таваккалга тайёр бўлиш деганидир.
"Порту" кийиниш хонасидаги энг ҳазилкаш инсон?
Касильяс: Элтон. У доим кулади, бу эса жамоага ижобий таъсир қилади.
Сизга қарши ўйнаган энг кучли ҳужумчи?
Касильяс: Лионель Месси. Яна ким бўлиши мумкин? Бир неча марта "Барселона"га қарши ўйнаганман.
Энг ёқимли сейв?
Касильяс: 2002 йилги ЕЧЛ финалида "Байер"га қарши ўйиндаги сейвлар ва ЖЧ-2010 финалида Арьен Роббеннинг зарбасидан кейинги сейв.
Ёшлигингизда сизнинг кумирингиз ким бўлган?
Касильяс: Петер Шмейхель.
Футбол тарихидаги энг кучли беш нафар дарвозабон...
Касильяс: Шмейхель, Витор Байя, Жанлуижи Буффон, Оливер Кан ва Сантьяго Канисарес.
Энг чиройли ўтказиб юборган голингиз?
Касильяс: Ҳеч бирини эслай олмайман, сабаби ҳар гол ўтказганимда доим ғазабланаман.
