Каррагер: "Моуринью кетганидан сўнг Погбанинг ўйини ўзгармайди, у ўзи ўйлаётганидек кучли эмас"

"Агар ҳозир Моуринью ва Погбадан бирини танлаш керак бўлганида, Жозе фойдасига қарор чиқарган бўлардим. Уларнинг иккиси ҳам бир вақтда МЮга келган. Ўйлашимча Моуринью клуб учун Полдан кўпроқ иш қилди. Кўпчиликнинг фикрича, агар Жозе кетса ҳамма бошқа Погбани кўради. "Юнайтед" мухлислари, ишонинг, бундай бўлмайди. Икки йил яхши ўйин кўрсата олмаган футболчи мураббий кетиши билан ўзгариб қолмайди. Погба қандай ҳаракат қилишини кўрдик. У ўзи ўйлаётганидек кучли эмас. Тўғри, Полда иқтидор бор, аммо у ўйинни тушунишда муаммоларга дуч келади. У келганидан бери ҳеч нарса ўзгармади.

Погбанинг МЮдаги фаолиятини сўнгги икки учрашувда кўриш мумкин. У "Янг Бойз"га қарши баҳсда ўз ўйинини кўрсатди ва ажойиб гол урди, бироқ "Вулверхэмптон" билан учрашувда марказда тўпни йўқотиб қўйди, ҳимояга ёрдам бермай қўйди ва жамоа гол ўтказиб юборди" - дейди Каррагер.