Камо Газаров: "Бухоро"нинг умуман очко йўқотишга ҳаққи йўқ"

"Бугун қийин ўйин бўлишини билгандик, амалда шундай ҳам бўлди. Ҳисобдан қониқдим, аммо ўйинимиздан унчалик қониқиш ҳосил қилмадим. Шунга қарамай шогирдларимга раҳмат айтаман, улар баҳс давомида устунлик қилишди ва энг асосийси ўз дарвозамиз даҳлсизлигини сақлай олдик.

Бош жамоамизни ҳам оғир ўйин кутиб турибди. "Навбаҳор" ҳам ўз таркибини кучли футболчилар билан тўлдириб олди шу сабабли бу рақиб билан эҳтиёткорлик билан ўйнаш лозим. Биз умуман очко йўқотишга ҳаққимиз йўқ, чунки биз ўз майдонимизда ҳаракат қиламиз. Шундоқ ҳам бу йилги мавсумда ҳаддан зиёд очко йўқотиб бўлдик. Умумий қилиб айтганда мухлислар яна бир ажойиб футбол гувоҳига айланишади", - дейди Газаров.