Жота билан собир бўлган ҳалокатнинг сабаблари бўйича экспертиза хулосаси маълум бўлди
08 июл 2025 23:05
Янгиликлар
Жота билан собир бўлган ҳалокатнинг сабаблари бўйича экспертиза хулосаси маълум бўлди
"Ливерпуль" ва Португалия терма жамоаси ҳужумчиси Диогу Жота ҳамда унинг Португалия иккинчи лигасидаги "Пенафиэл" сафида тўп сурган укаси Андре Сильва пайшанба куни Испаниянинг Самора вилоятидаги йўлда содир бўлган автоҳалокатда ҳалок бўлганди.
El Mundo нашрининг хабар беришича, Самора йўл полицияси ҳалокатнинг энг эҳтимолий сабаби автомобиль ғилдираги билан боғлиқ муаммолар ва "тезликнинг сезиларли даражада оширилиши" эканлигини экспертиза орқали аниқлаган.
Ҳодиса жойида қолдирилган барча далиллар синчковлик билан ўрганилган. Ғилдираклардан бирининг асфальтдаги излари ҳалокат жойидан тахминан 100 метр узоқликда ва 50 метр узунликда экани маълум бўлган. Айнан шу фактлар дастлабки хулосалар учун ҳал қилувчи аҳамиятга эга бўлган.
Тергов гуруҳи томонидан ўтказилган экспертиза автомобилни Диогу Жота бошқарганини кўрсатмоқда. Ҳар икки йўловчининг шахси ва жойлашуви фақат уларнинг қариндошлари томонидан аниқланган буюмлар орқали аниқланишига тўғри келди, чунки футболчиларнинг танаси ёнғин оқибатида жиддий зарар кўрган ва таниб бўлмайдиган аҳволга келиб қолганди.
Ўхшаш янгиликлар
championat.asia
Ла Лига. "Реал Мадрид" ўз уйида "Реал Бетис"га 5 та гол урди
АПЛ. "Ман Сити" "Челси"га қарши ўйинда 90+4 дақиқада тўп ўтказиб юборди ва ғалабани бой берди, Ҳусанов 51-дақиқада захирадан ўйинга қўшилди
Алижонов "Пахтакор"да қолиш учун йирик битимни рад этди
Ла Лига. "Барселона" сўнгги дақиқалардаги иккита гол эвазига "Эспаньол"ни мағлуб этди
Фикрлар