Жорий мавсум кучли бешликдаги энг қўпол жамоа қайси эканлигини биласизми?

Футбол бўйича Лига 1 нинг 14-тури доирасида “Монако” сафарда “Бордо”га қарши баҳс олиб бориб, 1:2 ҳисобида ютқазди. Монегасклар учрашувнинг 67-дақиқасида бир киши кам бўлиб қолди. Ислам Слимани иккинчи сариқ карточкасини олиб майдонни эрта тарк этди. Қайд этиш керак, бу “Монако” футболчилари жорий мавсумда олган 6-қизил карточка бўлди. Князлик клуби бу борада кучли бешлик клублари орасида етакчи бўлиб турибди. “Ницца” ва “Милан” клубларида бештадан четлатиш бор бўлса, “Рома” ва “Женоа” вакиллари жорий мавсум тўрт мартадан майдондан четлатилган.