UZ

Сўнгги янгиликлар

19:15Меҳди Тареми Эрон термаси ихтиёрини тарк этди, у янги жамоаси билан шартнома имзолайди  0 19:05АПЛ. "Брайтон" - "Манчестер Сити" 0:1 (матнли трансляция)  11 18:43"Ал Иттиҳод" бразилиялик футболчи билан музокараларни бошлади  0 18:15"Манчестер Юнайтед" собиқ ҳимоячиси "Астон Вилла"га ўтмоқда  0 17:44Энцо Мареска: "Жароҳатларнинг кўплиги бежизга эмас"  0 17:16"Қайрат": "Реал" билан ўйин учун чипталар сотувга чиқарилмаган ва нархлар тасдиқланмаган"  0 16:56"Милан" "Ливерпуль" ҳимоячисини сотиб олмоқчи  0 16:45АПЛ. "Брайтон" - "Манчестер Сити" баҳси асосий таркиблари маълум: Абдуқодир Ҳусанов асосий таркибга қайтди!   12 16:26Жейми Вардининг навбатдаги жамоаси маълум!  5 15:52Пол Паркер: "Де Хеа қайтмаса керак"  3 15:30Эрик тен Хаг истеъфога чиқиш арафасида  9 15:15"Манчестер Юнайтед" Ламменс трансферини амалга ошира олмаса, Мартинес номзодига қайтади  1 14:50Фоден бугун ўйнамайди  3 14:30ЕЧЛ. "Қайрат" - "Реал" ўйини учун чипталар нархи қанча?  16 14:14Фермин Лопес "Челси"нинг қизиқишларига қарамай, "Барселона"да қолади  1

Жоан Оумари: "Ўзбекистон терма жамоасининг ҳужум чизиғи умуман "ишламаганди" Янгиликлар

Жоан Оумари: "Ўзбекистон терма жамоасининг ҳужум чизиғи умуман "ишламаганди"

Кечаги Ливан - Саудия Арабистони (0:2) ўртасидаги учрашувдан кейин микст-зонада ливанликлар футболчиси Жоан Оумарининг фикрлари билан қизиқдик.

"Саудия Арабистони Осиёнинг энг кучли жамоаларидан бири. Улар бугун жуда чиройли футбол намойиш этишди. Натижанинг ўзиёқ ким кучли эканини айтиб турибди. Биз ҳам уларга ўхшаб кучли бўлишимиз учун ҳали кўп ишлашимиз керак. Иккита ўйинда гол ура олмасдан мағлубиятга учрадик. Албатта, бу жуда алам қилади. Энди охирги турда КХДРни мағлуб этишга уриниб кўрамиз", - дея гап бошлади Ливан терма жамоаси футболчиси Жоан Оумари.

- Бу мағлубият дарс бўлди деб ҳисоблайсизми?
- Албатта, ҳар бир ўйин ўзига яраша сабоқ бўлади. Футболда айниқса мағлубиятлардан етарлича хулоса чиқариш лозим. Биз бу ерга тажриба ошириш мақсадида келганмиз. Чемпион бўла олмаслигимиз кундек равшан. Бу мусобақада Саудия Арабистонига ўхшаш биздан кучли жамоалар бор. Биз - Ливанмиз, аҳолимиз ҳам 3-4 миллион атрофида.

- Осиё Кубогида кучсиз жамоалар икки тоифага бўлинган: кимдир футбол ўйнашга ҳаракат қиляпти, кимдир фақат ҳимояда ётишга.
- Бир нарсани тўғри тушунинг, бизда Европада ўйнайдиган яхши футболчилар йўқ. Шу боис ҳимояда ётишга мажбурмиз. Аксар ўйинчилар ўзимизнинг чемпионатда ўйнайди. Легионерлар йўқ ҳисоби. Ливан чемпионати ёмонроқ демоқчи эмасман. Шунчаки бизда яхши чемпионатда ўйнайдиган легионерлар йўқ. Легионер мақомидаги футболчиларимиз ҳам ўша чемпионатлардаги олий дивизионда эмас, балки қуйи лигаларда ўйнашади. Савия ва даража ўртасидаги тафовут барибир ўз сўзини айтади. Шу боис кўрсатаётган услубимиз ҳам ҳимоявий.

- Гуруҳда учинчи ўрин билан йўлланмага эга чиқадиган жамоалар ичида бўлиш имкониятларингизни қандай баҳолайсиз?
- Бу мағлубият билан биз қўлни силтамоқчи эмасмиз. Кейинги баҳсда бор кучимизни сарфлаб, ўша тўртта йўлланмадан бирини қўлга киритиш учун курашамиз. Ливан мамлакати учун ҳам охиригача курашни давом эттирамиз. Келгуси беллашув олдидан оптимистик руҳдаман. Ливан терма жамоаси Осиё Кубогини тарк этди, дея ўйлаётганлар фикрига қўшилмайман. Бизни ҳисобдан чиқаришга ҳали эрта.



- Ливан терма жамоасида бошқа мамлакатда истиқомат қиладиган футболчилар кўп. Турли хил мамлакатлардан келиб бир байроқ остида бирлашиб ўйнаш қандай кечмоқда?
- Қизиқарли ва ажойиб бўлмоқда. Ким қаерда туғилишидан қатъи назар барибир юрагимиз Ливан томон уриб туради. Бизда Швеция, АҚШ ва менга ўхшаб Германияда туғилган футболчилар кўп. Ливан барқарор юрт эмас, шу боисдан ҳам Ливан термаси яхши барқарор жамоа бўлиши маълум вақт талаб этилади. Ўйлайманки, келажакда Ливанда ажойиб терма жамоа шаклланади.  

- Ливан терма жамоасида барча бир хил тилда мулоқот қиладими ёки турли хил?
- Биз инглиз тилида сўзлашамиз. Масалан мен араб тилини мукаммал билмайман. Чунки Германияда туғилганман. Лекин шунга қарамасдан араб тилини ҳам ўрганишни бошлаб юбордим. Сабаби, ҳозирда БАА лигасида "Ал Наср" шарафини ҳимоя қиляпман.

- Сизнингча, Осиё Кубогини қайси жамоа ютиши мумкин?
- Бу ерда кучли жамоалар кўп: Япония, Саудия Арабистони, Австралия. Лекин бу Осиё Кубогида исталган воқеа юз бериши мумкин.

- Яқинда ўртоқлик учрашувида рақибингиз бўлган Ўзбекистон терма жамоаси ҳақида фикрингиз?
- Тўғри, биз бу жамоа билан ўртоқлик учрашуви ўтказгандик. Ўзбекистон - яхши жамоа, лекин биз билан ўйинда сизларнинг ҳужум чизиғингиз умуман "ишламаганди". Бизни мудофаа чизиғимиз ўша баҳсда жуда енгил ва осон ўйнаган. Шуни айтишим мумкинки, Ўзбекистон терма жамоаси Осиё Кубогида яхши тажрибага эга. Мен бу жамоага қитъа чемпионатида омад тилайман.

- Ливан бош мураббийи Миодраг Радулович ҳақида нима дея оласиз?
- Радулович катта тажрибага эга мураббий. У Ливанни Осиё Кубоги финал босқичига олиб чиқиб катта иш қилди.

- Интервью учун раҳмат.
- Сизларга ҳам раҳмат. Шу ўринда яна бир маротаба Ўзбекистон терма жамоасининг кейинги ўйинларида омад тилаб қоламан. Адашмасам, ОЧЛ плей-офф босқичи доирасида гуруҳ йўлланмаси учун "Пахтакор" билан тўқнаш келишимиз мумкин. Учрашгунча...


Шаҳбоз Беғамов

Дубай, 12 январь

Рейтинг: +42   

Фикрлар

championat.asia
< сўнгги янгиликларни кўриш
Яндекс.Метрика