Жиянов мухлисларга ваъда берди

Узбекистан

Товарищеские матчи . 1-тур 20/11/2022, 16:00 0 : 0 Тугади

Россия

Стадион: 14539 томошабин

45'

90'

52'  Элдор Шомуродов (Игорь Сергеев)

52'  Азизбек Тургунбаев (Русланбек Жиянов)

64'  Рустам Ашурматов (Алибек Давронов)

64'  Ходжимат Эркинов (Достонбек Хамдамов)

87'  Русланбек Жиянов (Бобур Абухаликов)

63'  Вячеслав Караваев (Артем Макарчук)

64'  Георгий Джикия (Максим Осипенко)

69'  Александр Сильянов (Антон Миранчук)

76'  Арсен Захарян (Сергей Пиняев)

77'  Александр Соболев (Николай Комличенко)

Матч-центрда очиш

Ўйиндан кейин Русланбек Жияновнинг фикрлари билан қизиқдик.

— Руслан, дебют билан табриклайман. Биринчи йиғин ҳақидаги таассуротлар қанақа?

— Ҳаммаси аъло даражада. Аввало, чақирилганимдан хурсандман. Мураббий майдонга тушиш имконини берди. Терма жамоа нималигини ҳис қилиб кўрдим. Раҳмат.

— Майдонда ортиқча босим пайдо бўлмадими?

— Йўқ. Ҳар доим қилиб юрган ишимиз, босим бўлиши керак эмас. 

—  Кузяев билан тўқнашув ҳақида гапирсангиз. Ўша эпизодга ҳакам эътибор қаратмади. Далер оёғингизга тепдими?

— Мен симуляция ишлатмайман. У оёғимни босиб олди. Рефери бу ҳаракатни "кўрмади".

— Бугун 35 дақиқа ўйнадингиз. Захирага олинаётганингизда мураббийдан ранжимадингизми?

— Йўқ, нега хафа бўлишим керак? У мени миллий жамоага жалб қилди, бу ерда дебют қилишимга имкон берди. Бу кунни ҳеч қачон унутмайман.

— Яшил майдонга чиққан ҳар қандай бола терма жамоада ўйнашни орзу қилади. Бугун сизнинг ниятларингиз амалга ошдими?

— Қисман айтсак, ҳа. Аммо бу билан тўхтаб қолиш керак эмас. Ҳали халқимизни хурсанд қиламан. Бунга ваъда бераман.

Фахриддин суҳбатлашди