Жеррард пенальти ҳақида: “Ҳакам вазиятни кўрмагани ачинарли”

“Умумий олганда “Ливерпуль” ўйин планида яхшироқ кўринди. Уларнинг услуби бизникидан яхшироқ эди. Аммо биз ҳам ўзимизни кўрсата олдик ва уларга қаршилик килдик.

Ўйин натижасини эса пенальти ҳал қилди. Пенальти тепиш учун иккита вазият бўлди. Оқибатда “Ливерпуль” зарба бериш ҳуқуқига эга бўлди. Агар қайта кўрсангиз, Салоҳ Мингзга биринчи бўлиб қўполлик қилган.

Мағлубиятни қабул қилиш ҳар доим қийин. Ўйинда рақибни ушлаб қолиш устида ишлашимиз кераклигини билардик. Баҳс якунини кучлироқ ўтказдик, ўзимизга кўпроқ ишондик, яхши вазиятларга эга бўлдик.

Жуда оддий пенальти туфайли мағлуб бўлдик. Бошида Тайронга қўполлик қилишди. Ҳакам (Стюарт Эттуэлл) вазиятни кўриш учун бормагани ачинарли”, дейди Жеррард.