Жерар Сарагоса: “Ҳар бир ўйин биз учун финал”
25 сен 2020 16:47
Янгиликлар

Жерар Сарагоса: “Ҳар бир ўйин биз учун финал”

Теглар : ОЧЛ-2020 Шабаб Ал Аҳли Жерар Сарагоса

“Шабаб Ал Аҳли” жамоаси бош мураббийи Жерар Сарагоса ОЧЛ нимчорак финал босқичидан ўрин олган “Ал Аҳли” билан ўйиндан олдин ўтказилган матбуот анжуманида фикрларини билдириб ўтди.

“1/16 финал босқичига чиққанимиздан хурсандман. Эртага бизни яхши ўйин кутмоқда. Биз шу вақт ичида маълум бир даражада тажриба тўплай олдик. Ҳар бир ўйин биз учун финал ҳисобланади. Жамоамиз билан яхши дам олдик ва эртанги ўйинга тайёргарлик кўрдик. Имкониятларимизни тенг баҳолаган бўлардим.

Биз бу ерга келганимизда 0 очко бор эди. Ҳозир эса етти очко жамғардик. Нимчорак финални бизга ҳеч ким ўз-ўзидан совға қилгани йўқ. Агарда биз икки ўйинни ютдик ва “Пахтакор” каби кучли жамоа билан дуранг қайд этдик. Биз “Пахтакор” билан ўйинда навбатдаги босқичга чиқиш учун имкониятни сақлаб қолиш учун ўйнадик. Менимча биз бунга ҳақли эдик”,- дейди Сарагоса.

Эслатиб ўтамиз, "Ал Аҳли" (Саудия Арабистони) - "Шабаб Ал Аҳли" (БАА) учрашуви 26 сентябрь куни Тошкент вақти билан соат 18:40да бошланади.