ЖЧ-2026га қуръа қачон ва қаерда ташланиши маълум!
23 авг 00:30
Янгиликлар

ЖЧ-2026га қуръа қачон ва қаерда ташланиши маълум!

Теглар : Ўзбекистон миллий терма жамоаси ЖЧ-2026

Келаси йили АҚШ, Канада ва Мексикада 2026 йилги жаҳон чемпионати ўйинлари ўтказилади.

Турнирнинг финал босқичи учун қуръа шу йилнинг 5 декабрь кунида АҚШдаги Жон Кеннеди номли санъат ижрочилари марказида ташкиллаштирилади.

Тарихда илк маротаба мундиалда 48 терма иштирок этади. Турнир мезбонлари Мексика (А1), Канада (B1) ҳамда АҚШ (D1) термалари ўз жойларига эга бўлиб бўлган.

Ҳозирча мезбонлардан ташқари яна 9 терма - Австралия, Бразилия, Эквадор, Эрон, Япония, Иордания (дебют), Жанубий Корея, Янги Зеландия ва яна бир дебютант Ўзбекистон термаларининг мундиалда қатнашиши аниқ бўлиб улгурган.

Турнирнинг илк ўйини 2026 йилнинг 11 июнь кунида Мехикодаги "Ацтека" стадионида, финал ўйини эса 19 июль кунида "Нью-Йорк Нью-Джерси" стадионида ўтказилади.

Ҳавола :

Манба : championat.asia

Янгиликларни Телеграмда ўқинг!

Рейтинг: +6