Япония – Коста-Рика 0:1
Учрашувдаги ягона гол муаллифига айланган ҳимоячи Кейшер Фуллер “man of the match” совринини қўлга киритди.
Бельгия – Марокаш 0:2
Баҳсда фаол ҳаракат қилган Ҳаким Зиеш 1-таймда гол урди, аммо офсайд туфайли у бекор қилинди. 90+2-дақиқада эса Зиеш ҳужумчи Закария Абуҳалолнинг голига ҳаммуаллифлик қилди. Шу тариқа, 29 ёшли ҳужумкор ярим ҳимоячи ўйиннинг энг яхши футболчисига айланди.
Хорватия – Канада 4:1
Ўйинда дублга эришган Андрей Крамарич “man of the match” номига лойиқ кўрилди. У 36-дақиқада ҳисобни тенглаштирди ва 70-дақиқада орадаги фарқни оширди. Иккала голда ҳам “Хоффенхайм” аъзосига Иван Перишич ассистентлик қилди.
Испания – Германия 1:1
62-дақиқада гол уриб, жамоасини олдинга олиб чиққан Альваро Мората учрашувнинг энг яхши ўйинчиси бўлди. Ҳозирда унинг ҳисобида 2 гол ва бир ассист бор.
