Жасур Жалолиддинов: "Халқимизни ғалаба билан табриклайман"
06 сен 2023 21:55
Янгиликлар

Жасур Жалолиддинов: "Халқимизни ғалаба билан табриклайман"

U-23 Осиё Кубоги саралаши доирасидаги биринчи тур учрашувидан кейин Ўзбекистон U-23 терма жамоаси футболчиси Жасур Жалолиддинов Афғонистон устидан қозонилган ғалаба ҳақида гапирди.

- Ўйин ҳақида

- Халқимизни ғалаба билан табриклайман. Биринчи бўлимда жуда қийин бўлди. Осон бўлмаслигини билардик. Ҳозирги кунда осон рақиб қолмаган. Ҳеч ким осонликча ютказишни хоҳламайди. Бироқ биз иккинчи бўлимда майдонга чиқиб, мураббий кўрсатмалирини тўлиқ бажариб, ўзимизга керакли натижани қўлга киритдик.

- Биринчи тайм қийин ўтди, аммо урган голиздан кейин ўйин сурати ўзгарди. Ушбу гол ҳақида нима дея оласиз?

- Албатта, бунақа ҳолатларда жамоани қийин вазиятдан олиб чиқиб кетиш керак бўлади. Менга шу насиб қилди. Ҳар бир ўйинчи жамоа ўйинига ўз ҳиссасини қўшиши керак. Мен ҳам бугун зарбаларим билан ғалаба қозонишимизга ёрдам бердим деб ўйлайман.

- Биринчи тайм ва иккинчи бўлим икки хил бўлди. Биринчи таймда бироз эҳтиёткорлик кузатилди...

- Биз эҳтиёткор ўйнамадик. Икки бўлим ҳам бир хил ўйин кўрсатдик. Шунчаки, Афғонистон биринчи бўлимда кучга тўла эди. Иккинчи бўлимда эса улар чарчаб қолишди ва биз голлар киритдик.

- Асосий рақибимиз Эрон бугун 3:0 ҳисобида ғалаба қозонди...

- Улар билан ўйинга ҳам муносиб тайёргарлик кўрамиз. Нима бўлишини вақт кўрсатади.

Ҳавола :

Манба : championat.asia

Янгиликларни Телеграмда ўқинг!

Рейтинг: +4