Жасур Жалолиддинов: "Локомотив"да "Беневенто"га қараганда эътибор ва ташкилотчилик кучли"
02 авг 2020 10:00
Янгиликлар

Жасур Жалолиддинов: "Локомотив"да "Беневенто"га қараганда эътибор ва ташкилотчилик кучли"

Жасур Жалолиддинов "Локомотив"га йўл олишидан олдин унга Италия ва Туркия клубларидан ҳам қизиқиш бўлган эди. Хўш, у нима учун айнан Россияни танлади? "Тезкор Студия"нинг галдаги сонида иқтидорли ярим ҳимоячи ушбу саволга жавоб бериб ўтди.

"Локомотив" ва "Бешиктош" вариантидан бирини танлаш қийин бўлди. Бу борада яқинларим кўп маслаҳатлашдим. Туркия таваккал қўл урилган иш бўлиб қоларди мен учун. Россия чемпионатида Элдор ака, Остон Урунов тўп тепмоқда. Бир-биримизга яқинмиз. Тил, менталитет, шароитга мослашишда муаммо бўлмайди бу ерда. Шу томонларини ўйладим. Барибир Италияда ҳам тил борасида кўп қийналардим. Кўриб келганимдан кейин бунга яна бир бор амин бўлдим. "Локомотив"да "Беневенто"га қараганда эътибор ва ташкилотчилик кучли.

Янги жамоага ўтаётганимда "Бунёдкор"даги кўпчилик билан маслаҳатлашдим. Менга ҳеч ким мана бу жамоага ўтишинг шарт ёки керак демади. Клуб раҳбарияти қароримни тўғри тушунди. Танлов имкониятини ўзимга қўйиб бериб қўллаб-қувватлашлигини айтишди",- дейди Жалолиддинов.