UZ

Жасур Ҳасанов "уйи"га қайтди Янгиликлар

Жасур Ҳасанов "уйи"га қайтди

Жиззахнинг "Сўғдиёна" жамоаси давралар оралиғида ўз таркибини тажрибали ярим ҳимоячи, қанот вингери Жасур Ҳасанов билан кучайтирди.

Мавсумни АГМК сафида бошлаган Жасур Ҳасанов биринчи давра якунига етмасданоқ олмалиқликлар билан хайрлашганди. Бу ҳақда аввалроқ хабар бергандик.

Футболчи кутилганидек иккинчи даврани ўз туғилиб ўсган шаҳри жамоаси "Сўғдиёна"да ўтказадиган бўлди. Узоқ давом этган музокаралардан сўнг ҳар иккала томон келишувга эришган ва футболчи "Сўғдиёна" билан шартнома имзолаган.

Қайд этиш керакки, Жасур Ҳасанов фаолиятини айнан Жиззахнинг "Сўғдиёна" жамоасида бошлаган. Жасур Ҳасанов шунингдек "Навбаҳор", "Машъал", "Бунёдкор", "Локомотив", "Қизилқум", "Насаф" ва АГМК сафида ҳам ўйнашга улгурган. Футболчи Қатар чемпионати вакиллари "Лаҳвия" ҳамда "Қатар СК" клублари, шунингдек БААнинг "Эмирейтс" жамоасида ҳам бир муддат тўп тепган.

Шу тариқа 2002 йили "Сўғдиёна"ни тарк этган футболчи орадан 17 йил ўтиб яна эски жамоаси "Сўғдиёна"га қайтди.

Рейтинг: -60   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг