Жамшид Саидов: "Олий лигада қолиш учун қўлимиздан келганини қиламиз"

“Аввалом бор футболчиларимизга катта рахмат айтаман. 0:2 ҳисобида орда қолиб, тезда ўзларига келиб олишга куч топа олишди ва вазиятни ўзгартиришди. Афсус бугун вужудга келаган вазиятларимизни голга айлантира олмадик. Ҳисоб 0:0 бўлиб турган пайтда Ибрагимов яккама-якка вазиятга чиқиб борди, вазиятни голга айлантира олганида ҳозир умуманг бошқача кайфиятда бўлар эдик. Бу футбол, футболга сен урмасанг, сенга уришади. Иккита йўқ жойдан гол ўтказиб юбордик.

Кайфиятни тушуришга ҳаққимиз йўқ. Ҳали олдинда 5 та ўйин бор, бу кам эмас. Вазиятни ўнглаб олиш учун етарлича имкониятларимиз бор. Яна қатараман, имконитимиз бор экан, биз курашишда давом этамиз. Жамоада ҳамма буни тушуниб турибди, биз охиригача курашамиз ва лигада қолиш учун қўлимиздан келганини қиламиз”-деди Жамшид Жалолович.