Жамшид Ҳасанов: "Суперлигадаги хатоларни кубокда такрорламаслигимиз керак"

Суперлигада омади юришмаётган "Андижон" жамоаси Ўзбекистон кубогида ғалаба учун ҳаракат қилиши табиий. Ушбу сўзларимизга жамоанинг тажрибали футболчиси Жамшид Ҳасанов ҳам қўшилган ҳолда ўз фикрлари билан ўртоқлашди.

"Ўйлашимча осон гуруҳни ўзи йўқ. Барча гуруҳларда вазият бир хил. Биз ҳам иложи борича мухлисларимизни ғалабалар билан хурсанд қилишга ҳаракат қиламиз. Майдонга фақат муваффақият илинжида тушамиз. Балки, Суперлигада ўзимизни кўрсата олмаётгандирмиз. Умид қиламанки, барчаси яқин кунларда ортда қолади. Жамоаларнинг барчаси таниш. Ўзимиз билган жамоалар. Чемпионатдаги хатоларни кубок баҳсларида такрорламаслигимиз керак. Шуни уддасидан чиқа олсак яхши натижаларга эришамиз деган умиддаман",-  дейди Жамшид Ҳасанов.