Жамшид Ҳасанов: "Суперлигада тўхталишлар бўлишига қарамасдан, шиддат сўнгани йўқ"
04 окт 2020 21:08
Янгиликлар

Жамшид Ҳасанов: "Суперлигада тўхталишлар бўлишига қарамасдан, шиддат сўнгани йўқ"

Навоийнинг "Қизилқум" жамоаси Суперлига 18-турида ўз майдонида "Қўқон-1912"ни 2:1 ҳисобида таслим қилди. Ушбу учрашувдан сўнг мезбон жамоа таркибидаги тажрибали футболчи Жамшид Ҳасанов фикрлари билан ўртоқлашди.

"АГМК билан ўйинда биринчи бўлимни яхши ўтказган эдик. Фақат, иккинчи бўлим бошида бир киши кам бўлиб қолганимиз режаларимизни ўзгартириб юборди. "Қўқон-1912" билан ўз майдонимизда, мухлисларимиз кўз ўнгида ўйнаганимиз учун очиқ ўйин кўрсатдик, деб ўйлайман. Ўз майдонимизда ўйнаганимиз қўшимча куч берди.
Албатта, Суперлигада бу мавсум тўхталишлар кўп бўлганига қарамасдан, шиддат сўнгани йўқ. Чемпионатимизда йилдан-йилга ўсиш кузатилмоқда. Бу эса футболимиз ривожи учун айни муддаодир.
Ҳа, "Андижон"да пенальтиларни ўзим амалга оширар эдим. "Қизилқум"да ҳам пенальтини мен тепишим кераклигини ўйиндан олдин айтишди. Лекин, ҳали рақиб дарвозасига 11 метрлик нуқта белигланганича йўқ.
Таркибимизда тажрибали футболчилар кўп. Биз доим мухлисларни хурсанд қилиш учун ҳаракат қиламиз. Мухлислар футболнинг бир қисми ҳисобланади",- дейди Жамшид Ҳасанов.

Абдулазиз Искандаров ёзиб олди

Ҳавола :

Манба : championat.asia

Янгиликларни Телеграмда ўқинг!

Рейтинг: +2