Жамолиддин Раҳматуллаев: "Футболчиларимга рақибдан қўрқиш керак эмаслигини таъкидлагандим"
25 авг 2022 19:22
Янгиликлар

Жамолиддин Раҳматуллаев: "Футболчиларимга рақибдан қўрқиш керак эмаслигини таъкидлагандим"

"Mirabror Usmanov Memorial Cup-2022" турнирининг 2-туридан ўрин олган Япония – Ўзбекистон (0:3) учрашувидан сўнг терма жамоамиз устози Жамолиддин Раҳматуллаев фикрларини билдирди.

"Авваламбор, барчани ғалаба билан табриклайман. Шогирдларимга катта раҳмат айтаман. Улар охирги дақиқага қадар курашишди. Аввал ҳам айтганман, Япония нафақат ёшлар футболида, балки катталар терма жамоасида ҳам Осиёда ўз ўрнига эга. Бугун ҳам ўйинни яхши бошлашди.

Футболчиларимга рақибдан қўрқиш керак эмаслигини таъкидлагандим. Майдонда буни исботлашди. Навбатдаги учрашувга одатдагидек тайёргарлик кўрамиз", – деди Жамолиддин Раҳматуллаев.

- Ўзбекистон бирини ўйинга қараганда асосий таркибда 2 та, Япония 9 та ўзгаришга қўл урди. Бу нима билан боғлиқ?

- Ҳозирги кунда тайёргарлик жараёнида терма жамоанинг асосий таркибини шакллантирмоқдамиз. Бундай рақибга қарши биринчи ўйинда тушган футболчиларни синаб кўрдик. Кейинги учрашувларда ротацияга қўл уриб, қолган футболчиларга ҳам имконият берамиз.

- Бу ҳозирги кундаги оптима таркибми?

- Терма жамоада ҳеч кимга жой кафолатланмаган. Расмий ўйинлар вақтида энг яхши тайёргарликка эга бўлган футболчилар майдонга тушади. Барчада имконият бир хил.

Ҳавола :

Манба : championat.asia

Янгиликларни Телеграмда ўқинг!

Рейтинг: +2